आस त्याला आभाळभर चांदण्यांची, मी अंगणी पडलेला प्राजक्ताचा सडा...
तो मुग्ध मोहक वेणूच्या नादी, मी मंगलसमयीचा सनई चौघडा..
मोह त्याला गोऱ्या रंगाचा , मी शामवेडी श्यामल राधा..
तो स्थिर शाश्वत सात्त्विक साधा, मी उनाड अस्थिर स्वैर बाधा...
तो अध्यात्मिक गंभीर भोळा, विषय त्याचा महाकाव्याचा...
मी अवखळ नाजूक मोहक सोहळा, साज माझा शृंगाराचा...
ठेका न आमचा एक तरीही चुकला ठोका हृदयाचा,
एक होऊनी गातो आम्ही सूर नवा हा प्रीतीचा...
✍️ निकिता विचारे
