आठवण..

मनाच्या बंदीस्त कोपऱ्यातून एक आठवण हळूच डोकावते,

एक आठवण 

रुपेरी वाळूत सोनेरी पावलं उमटवत बागडणारी..

एक आठवण भरतीची, 

तुझ्या पहिल्या स्पर्शाची, चिंब भिजवून टाकणारी.. 

एक आठवण 

तुझ्या दूर जाण्याची, 

काळीज पिळवटणारी.. 

आत आत खेचणाऱ्या आहोटीची..  

शेवटी या सरकणाऱ्या वाळूवर  पाय घट्ट रोवून उभं राहावं लागतं,

आठवणींना तुझ्या पुन्हा एकदा बंदिस्त करावं लागतं..  

✍️निकी

सत्य

माझ्या आतल्या आत चालत राहत एक अंतरद्वंद्व
ज्यात पत्करावीच  लागते मला शेवटी हार,
फक्त तुझ्या विजयासाठी...
तू जिंकतोस त्यात, खरं तर जिंकल्याच्या भ्रमात राहतोस,
ओळखता येत नाही तुला त्यामागचं सत्य,
तुला वाटतं झालं, विरलं .. आता कशास धरावं अगत्य..
पण तुला हे कधीच उमजत नाही,
की क्षणिक गोष्टी विरतात, 
या अशा मात्र आतल्या आत जिरतात..

✍️निकी