एक छोटीशी गोष्ट...

होती एक छोटीशी गोष्ट तुझ्यामाझ्या मधली

गैरसमजाने आपल्या तिची कादंबरी झाली...

वाचावी म्हटलं तरी वाचता नाही आली

बघता बघता तिला रद्दीची किंमत दिली..

होती एक छोटीशी गोष्ट तुझ्यामाझ्या मधली

शब्द शब्द गुंफत एका धाग्यात गुंतत गेली...

दोन टोक हाती घेऊन ओढत राहिलो मग तिला

बघता बघता चढाओढीत प्रीती विरून गेली...

होती एक छोटीशी गोष्ट तुझ्यामाझ्या मधली

टोचत राहिली आतल्या आत सुईच्या टोकासारखी...

पडत गेले घाव काळजावर नाती जखमी झाली

बघता बघता तोडला दम त्यांची शोकांतिका झाली..

बस ही एक छोटीशी गोष्ट होती तुझ्या माझ्या मधली..

✍️निकीता सु. विचारे